STA' TERA

 
Un mucio de putei che siga

Tanti boce che i core e che i ride

Veci coe ombre in man che i ciacoea

Dei prai che pare no i gavese fine

E tanti campanii in lontanansa

Sti quà i se i ricordi piu bei

Che go dea me tera

Queo che vedevo co giravo in bici

El profumo dei sparasi e dee sarese

Go paura de desmentegarme el me diaeto

Parché me desmentegaria tute e me raise

D'està me'ndavo a rinfrescare

Visin ae roste soto i saici

Che beo che gera

Scoltare el sienzio dea campagna

El ga rason Marco col dise

Questa terra

È la mia terra